Bo entroido para todos!!

Grazas

Dende a Escola de Música Municipal queremos fomentar a formación complementaria de guitarristas, xa sexan profesionais, semiprofesionais ou amateurs, para que teñan unha visión máis ampla do seu instrumento, por iso o mestre de guitarra Xosé Piñeiro pon en marcha un novo obradoiro orientado ó coñecemento do Flamenco.

O mestre Xosé Piñeiro é licenciado en guitarra clásica polo Conservatorio do Liceo de Barcelona, onde tamén cursou o nivel superior de Flamenco no citado Conservatorio co mestre concertista e pedagogo Manuel Granados. Ademais formou parte da Orquesta de Guitarras de Barcelona durante 10 anos.

O Flamenco é un dos estilos musicais máis recoñecidos fora das fronteiras do noso país, e tamén unha das músicas máis demandadas ós guitarristas españois no estranxeiro, posto que a súa interpretación require de gran pureza técnica, e dunha musicalidade de gran beleza.

Os obxectivos do obradoiro son:

• Aplicación tanto das técnicas básica e avanzadas de rasgueos, golpes, arpexios, alzapuas, picados, etc…
• Recoñecemento dos estilos básicos denominados “palos”
• “Palos”:
  • Solea
  • Bulería
  • Alegrías
  • Tientos
  • Etc…

Os interesados deberán pasar pola Escola de Música Municipal, ou chamar para falar co mestre os vindeiros mércores 8 e 15 de febreiro entre as 18:30 e as 20:30.

A inserción do computador no mundo da música na década do sesenta provocou unha profunda renovación dos instrumentos musicais e da nosa forma de concibilos.  A informática franqueaba unha nova etapa no diálogo que sempre existiu entre as novas tecnoloxías e a construción de instrumentos musicais. Pero máis decisiva é a revolución inducida polo uso do computador persoal na propia composición musical. Estamos inmersos na era da informática e as súas aplicacións en todos os campos, incluída a música, polo que é necesario para poder seguir o ritmo frenético en que ven inmersos devanditos campos subirnos ao tren das novas tecnoloxías e as súas aplicacións no proceso educativo. Por iso dende a Escola de Música Municipal queremos incluír este Obradorio de Informática musical como parte complementaria da formación dos nosos alumn@s. Dito obradoiro será impartido polo mestre Jorge Ortal.

OBXECTIVOS:

• Explorar no computador as posibilidades de aprendizaxe con programas adaptados ao nivel do coñecemento informático dos alumnos.
• Coñecer todos os materiais electrónicos que integran un computador persoal.
• Coñecer o vocabulario básico informático.
• Adestrar auditivamente a través de programas de contorna PC.
• Adquirir os coñecementos necesarios para resolver problemas co protocolo MIDI.
• Localización de información relacionada co mundo da música na rede.
• As partes máis importantes da materia, en relación con estes obxectivos, son, por unha banda, a edición de partituras musicais, e por outro, o traballo con son dixital en diversas vertentes.

CONTIDOS XERAIS:

• Introdución ao hardware informático.
• Montaxe e ampliación do mesmo para adaptalo aos requirimentos das aplicacións musicais.
• Introdución ao entorno do Sistema Operativo.
• Ferramentas comúns a todas as aplicacións.
• Instalación dos programas. Pantalla principal. Barras de ferramentas. Menús superiores. Paletas (notas, claves, gráficos, marcas, símbolos).
• Secuenciadores. Parámetros do reprodutor. Protocolo MIDI. Configuración e utilización. Creación de proxectos xa sexa co programa de edición de partituras ou o secuenciador.
• Introdución á edición de proxectos de vídeo e son.
• Introdución ás aplicacións musicais para dispositivos móbiles. Dispositivos con sistema operativo Android e aplicacións para iPhone/ iPod Touch, iPad.

ALUMNADO:

Poderán anotarse alumn@s da escola, de calquera especialidade instrumental que teñan un nivel mínimo de 3º de Linguaxe Musical, ou alumn@s maiores de 13 anos, habendo un máximo de 5 alumnos en dito taller por rigoroso orden de inscrición.

O taller realizarase todos os xoves de 19:00 a 20:00 na aula nº 4 da Escola de Música Municipal.

Obradoiro de Harmonía Moderna realizarase  os xoves de 20:30 a 21:30 na aula nº11 da Escola de Música.

A Deputación de Pontevedra comunicou ao alcalde, Tomás Fole, que a Xunta de Goberno da entidade provincial aprobou na súa última sesión as obras de mellora da Escola Municipal de Música. O proxecto foi redactado polos técnicos municipais, ten un presuposto de 218-493 euros e un prazo de execución de catro meses. As obras forman parte do convenio subscrito polo alcalde e o presidente da Deputación, Rafael Louzán, o pasado mes de setembro.

Páxina do Concello de Vilagarcía

Equipo directivo e claustro de profesores deséxanvos ¡¡ Bo Nadal !!

AVISOS

• O venres 16 de decembro será o último día de clase.

• Entrega de notas

• As notas de Música e Movemento se entregarán nas clases da semana do 12 de decembro ós alumn@s.

• As notas de Instrumento e Linguaxe Musical, se entregarán o luns 19 de decembro no aula d@ profes@r-titor entre as 16:30 e as 19:30 h

A Escola Municipal de Música Bernardo del Río pon en marcha unha nova iniciativa tendente a complementar a formación musical que ofrece o centro dentro do seu plan de estudos a través da organización de diversos obradoiros temáticos. Estes talleres están destinados tanto ao propio alumnado da Escola como a persoas alleas ao centro que teñan interese na materia, dispoñan de coñecementos ou toquen algún instrumento.

A partir deste mes comezan a funcionar os obradoiros de Análise e Improvisación, Harmonía Moderna e comeza a súa andaina a nova Orquestra de Guitarras.

Os alumnos e demais persoas interesadas en participar nestes obradoiros deben formalizar a súa matrícula nas oficinas da Escola de Música, onde tamén se lles facilitará toda a información que desexen. O número de prazas limítase a 10 en cada un dos obradoiros, polo que cubriranse por orde de inscrición. A Orquestra de Guitarras terá un número de compoñentes mínimo de 6 membros e máximo de 16.

A asistencia aos obradoiros será totalmente gratuíta tanto para os alumnos da Escola de Música como os do Conservatorio Profesional de Vilagarcía. As persoas alleas a estes centros deberán abonar unha matrícula de 19,55 euros e 15,45 euros por trimestre.

Taller de Análise e Improvisación: Impartido polo mestre Alberto Estévez, con este taller preténdese iniciar ó alumnado no linguaxe moderno e a música improvisada, facéndolles chegar os conceptos teórico-prácticos elementais que lles permitan unha mellor comprensión e realización dos estilos máis populares da música moderna.

Entre os obxectivos a traballar están o desenvolvemento da creatividade mediante a improvisación, recoñecer a importancia histórica do jazz e da música improvisada, valorar as achegas e influencias mutuas coas música do século XX, así como ler e improvisar a primeira vista cun nivel que permita a montaxe e interpretación fluída das pezas. Poderá anotarse o alumnado da escola, así como calquera outra persoa allea ó centro Bernardo del Río, de calquera especialidade instrumental e que teña un nivel básico ou de iniciación, tanto de instrumento coma de linguaxe musical. O taller realizarase todos os mércores de 20:30 a 21:30 na aula de Combo Moderno da Escola de Música Municipal.

Obradoiro de Harmonía Moderna: A música moderna é moitas veces esquecida ou a penas abordada nas ensinanzas que se imparten nos centros oficiais de ensino musical. Nas escolas de música, ademais dunha formación clásica (teórica e instrumental) tamén se potencia a importancia da música moderna como parte de historia da música. Por este motivo, o centro Bernardo del Río oferta un Obradoiro de Harmonía Moderna , impartido polo mestre Javier España, onde se pretende crear unha base teórica o máis completa posible cos coñecementos básicos sobre os que se sustenta a música moderna (jazz, blues, rock…).

Como obxectivos a conseguir neste obradoiro atópanse o coñecemento dos fundamentos teóricos da harmonía moderna, fundamentos para arranxos… todo isto coñecendo a importancia dos intervalos, escalas, modos, acordes e cifrados. Poderán participar neste obradoiro tanto o alumnado da Escola Bernardo del Río, como persoas alleas á mesma, sexa cal sexa a súa especialidade instrumental e co único requisito de contar co nivel mínimo de 3º curso de linguaxe musical. O Obradoiro realizarase todos os xoves de 20:30 a 21:30 na aula nº11 da escola.

Orquestra de Guitarras: O departamento de Guitarra da Escola de Música Municipal pon en funcionamento unha Orquestra de Guitarras baixo a dirección do mestre José Juan Piñeiro. Con este obradoiro preténdese potenciar un concepto de formación instrumental en pleno auxe, e que está dando moi bo resultado noutras provincias tales como Barcelona ou Xixón. A guitarra é un dos instrumentos máis representativos para o acompañamento da música vocal e instrumental, popular ou folclórica, e un dos que máis se presta á súa aprendizaxe autodidacta, creando na maioría dos casos deficiencias e limitacións técnicas ás veces difíciles de superar. Con tal motivo, a Escola pretende completar esa formación con interese de mellorar tanto na técnica coma no coñecemento dun repertorio maior.

Este obradoiro tamén é unha opción para os guitarristas que rematan o nivel elemental e non desexan continuar os seus estudos profesionais, dándolle dende esta formación a opción a continuar coa actividade musical dunha maneira amena e enriquecedora. Poderán anotarse alumnos da escola, e non pertencentes á escola que estean cursado estudos profesionais; alumnos que realizaron estudos pero que non desexan seguir coa formación individual, pero si teñen interese en continuar tendo un contacto con instrumento; xente autodidacta con certo nivel de linguaxe musical e instrumento que queiran formar parte deste proxecto. As clases realizarase todos os mércores de 19:30 a 20:30 na aula de Guitarra nº 12.

Vilagarcía, 15 novembro  de 2011.- As persoas interesadas en aprender a tocar un instrumento musical aínda están en disposición de facelo a través das prazas que quedaron sen cubrir na Escola Municipal de Música tras rematar o prazo de matriculación do presente curso. A día de hoxe o centro Bernardo del Río dispón dunha bolsa de 11 vacantes en diferentes instrumentos de vento e dunha praza para violín.

No que se refire ás familia de instrumentos de vento, quedan libres dúas prazas de frauta, dúas de trompa, unha de trompeta, dúas de trombón, dúas de clarinete e outras dúas de saxo (alto-tenor). Na familia de corda hai só unha vacante, a xa mencionada de violín.

As persoas interesadas en matricularse nalgunha destas especialidades, ben sexan nenos ou adultos, deben dirixirse ás oficinas da Escola Municipal de Música, situadas na antiga escola do Ramal para tramitar a súa solicitude de ingreso.