Concerto Didáctico (20/02/2018)
Concerto Didáctico organizado pola AnpAtril Vilagarcia no que teremos a oportunidade de gozar coa música destes grandes mestres arxentinos que están de xira por Galicia.
O concerto está enmarcado dentro das actividades que realizamos conxuntamente co Conservatorio de Música de Vilagarcía e, polo tanto, teremos como convidados a unha representación do seu alumnado de grao elemental, acompañado polos seus mestres.
Unha vez rematado o concerto haberá unha masterclass na que os mestres Pablo Quiñones (trompeta) e Mariano Fernández (piano) nos falaran da súa experiencia no eido da música contemporánea e o jazz.
Os interesados en participar na masterclass podedes apuntarvos nas oficinas de ambos os dous centros, Escola de Música e Conservatorio, ata o día 19 de febreiro.
Grazas, unha vez máis, a AnAtril pola súa contribución ao desenvolvemento desta e outras actividades que redundan de cheo en beneficio do alumnado dos centros de ensino musical de Vilagarcía.
