A Escola Municipal de Música Bernardo del Río abre un período extraordinario de matriculación para cubrir as vacantes que aínda quedan dispoñibles para o curso 2026/27 que comezará o vindeiro 21 de setembro. Son prazas nos ciclos de Música e Movemento, destinadas en exclusiva ao público infantil, e outras en diversas especialidades instrumentais abertas tanto á rapazada a partir de 8 anos como a persoas adultas. Os interesados deben anotarse os días 14 e o 15 de setembro nas dependencias do centro.
A cativada de 3 a 7 anos pode iniciarse nos respectivos grupos do ciclo de Música e Movemento. No que ás especialidades instrumentais se refire, quedan opcións nos grupos de Vento-Madeira (frauta, clarinete e saxofón); Vento-Metal (trompeta, trompa, trombón, bombardino e tuba) e no de Corda (violín, viola e violonchelo).
A matrícula deberá formalizarse de maneira presencial na secretaría da Escola de Música (na avenida Rosalía de Castro) o luns 14 e o martes 15 de setembro de 10:30 a 13:30h. O trámite tamén pode realizarse por vía telemática a través do correo: escolamusica@vilagarcia.gal En ambos casos deberán achegar o impreso de matrícula debidamente cuberto, así como a copia do certificado bancario no que figure o número de conta e copia do DNI do titular da mesma.
Fonte: Páxina web do Concello de Vilagarcía.
